- Bosh sahifa
- Yangiliklar
- Navoiy viloyat Kengashining navbatdan tashqari 44-sessiyasi bo‘lib o‘tdi
Navoiy viloyat Kengashining navbatdan tashqari 44-sessiyasi bo‘lib o‘tdi
Joriy yilning 26-dekabr kuni xalq
deputatlari Navoiy viloyat Kengashining navbatdan tashqari 44-sessiyasi bo‘lib
o‘tdi.
Sessiya kun tartibida bir qator
muhim masalalar, xususan, Vazirlar Mahkamasining 2021-yil 10-fevraldagi “Lotin
yozuviga asoslangan o‘zbek alifbosiga bosqichma-bosqich to‘liq o‘tishni
ta’minlash chora-tadbirlari to‘g‘risida”gi 61-sonli qarorining ijrosi ko‘rib
chiqildi.
Masala yuzasidan Navoiy viloyati
hokimining maslahatchisi Qobil Astonovning axboroti eshitilib, barcha
hokimliklar, tashkilot va korxona rahbarlariga 2023-yil 1-yanvardan boshlab
tashkiliy-huquqiy shaklidan qat’i nazar barcha tashkilotlar ish yuritish
hujjatlari va boshqa hujjatlarni lotin yozuviga asoslangan o‘zbek alifbosida
ishlab chiqish, qabul qilish va e’lon qilish amaliyotini to‘liq joriy qilish
bo‘yicha ko‘rsatmalar berildi.
Qaror ijrosiga taalluqli boshqa
masalalar Sessiya qaror loyihasiga kiritilib, Kengash raisi tomonidan
tasdiqlandi va ijroga yo‘naltirildi.